-ढक बहादुर घिसिङ(मिल्चे-२,काभ्रे), तामाङ डाजाङ ग्याम्से किन्बा।
ए तामाङ हिन्साम रेतोबा दुई खाजी
ह्राङ्ला थाप्ताङ किन्बारी
चुरी चुरी वाम्बादेन मुला आरे पिन्बारी।
ओ ज्योज्यो-आले
ओ नाना-आङा
पिन्दोसाम ह्याङ्ला का पिन्ना
पिन्दोसाम ह्याङ्ला ल्हुइ पिन्ना
सितोसम सिपिन्ना, तामसालिङ ब्यान्बारी आपिन।
तामसालिङ म्हिसे ब्यान्जी विसाम
ह्याङ तामाङ बिबला तिलाई अर्थ आता
ए तामाङ हिन्साम रेदोबा दुई खाजी।
ह्याङ्ला म्हेमेसे छाथान्बा ताम्सालिङ
ह्याङ्ला आखेसे छाथान्बा ताम्सालिङ
तिनी ह्याङ्से जोगव लाटोबा दुई खाजी।
छु दुइरी खालाई सिबरी खाम्ला,
सितोसम सिपिन्न ताम्सालिङ्ला लागिरी
ए तामाङ हिन्साम रेतोबा दुई खाजी।
ताम्सालिङ्ला थुमरी चुरी खलैसे
नेताकादे सम्झौता लालादेबे खबरदार।
खलाई नेताकदेसे सम्झौता लाजी बिसाम
थेला ल्हुइसे जाम्बुलिङ ख्लातोबा दुई खालादेबे।
ताम्सालिङला थोरी खालैला ङच्छापट्टी
पुइ जुसी फ्या लालादेबे खबरदार।
खलैसे पिन्बा टांगारी ग्युर्लादेबे
खालैसे पिन्बा नाइबा कुर्सिरी ग्युर्लादेबे खबरदार।
रेगो तामाङ मेफुम बर्सी
रेगो तामाङ मेफुम बर्सी
ताम्सालिङ्दा किन्बारी
अपिन्सामी ब्यान्बारी।
ए तामाङ हिन्साम रेदोबा दुई खाजी
ए तामाङ हिन्साम रेदोबा दुई खाजी।
